కౌమార దశ వచ్చేసరికి పిల్లల్లో సెక్స్ పట్ల ఆసక్తి మొదలవుతుంది. యవ్వనంలో అడుగిడే సమయానికి ఈ ఆసక్తులు మరింతగా పెరుగుతాయి. ఈ క్రమంలో అశ్లీల సాహిత్యం, నీలి చిత్రాల ప్రభావాలకు లోనుకావడం సహజమే. అయితే  ఈ ఆసక్తులు మోతాదుకు మించి దీర్ఘకాలం కొనసాగి వ్యసనంగా మారితే మాత్రం   ఆ  ప్రభావం వారి వ్యక్తిగత, వృత్తిపరమైన, సామాజిక ప్రవర్తనలను తీవ్రంగా ప్రభావితం చేస్తుంది. అందుకే ఈ అంశం విషయంలో పెద్దలు తగిన జాగ్రత్తలు తీసుకోవాలి.

ఆకర్షణకు కారణాలు

  • వయసు ప్రభావం, తమను తాము లైంగికంగా ప్రేరేపించుకోవడానికి
  • స్నేహితులు లేదా సహోద్యోగుల ప్రేరణ, మీడియా ఆకర్షణ
  • ఇంటర్నెట్, స్మార్ట్ ఫోన్ విరివిగా అందుబాటులోకి రావటం,
  • శృంగార సంబంధమైన అనుమానాలను నివృత్తి చేసుకోవటానికి 

మితిమీరితే తలెత్తే పరిణామాలు

  • అతిగా అశ్లీల సాహిత్య ప్రభావానికి లోనైన వారు పని, బాధ్యతలను పక్కన బెట్టి ఎప్పుడూ అవే ఆలోచనల్లో ఉంటారు. విద్యార్థులు చదువులో రాణించక పోవటం, ఉద్యోగులు కార్యాలయంలో అశ్లీల చిత్రాలను చూస్తూ ఉద్యోగాలు కోల్పోవటం జరుగుతుంది.
  • అశ్లీల చిత్రాల ప్రభావం ఎక్కువైతే నిజ జీవితంలో తమ లైంగిక భాగస్వాములూ అలాగే ఉండాలనుకోవటం, ఎక్కువ సేపు రతిలో పాల్గొనలేక నిరాశ చెందటం, ఈ ధోరణి దంపతుల మధ్య విడాకులకు దారి తీసే ప్రమాదం ఉంది.
  • అశ్లీలసాహిత్యం మోతాదు మించితే ఇష్టమైన వ్యాపకాలు, అభిరుచులు పక్కనబెట్టటం, కుటుంబ, స్నేహ బంధాలకు దూరంగా ఉండటం జరిగి, చివరకు ఏకాకులుగా మిగిలిపోతారు.
  • అశ్లీల చిత్రాల ప్రభావం వల్ల మహిళలతో అసభ్యంగా ప్రవర్తించటం, దాడి చేసి ప్రమాదం కూడా ఉంటుంది. 

పెద్దల బాధ్యత

  • లైంగికపరమైన అంశాల గురించి పెద్దలు అవసరమైన మేరకు పిల్లలతో మాట్లాడాలి. వారి అనుమానాలను దాటవేయకుండా వివరించి , సెక్స్ కూడా జీవితంలో భాగమేనని అవగాహన కల్పించాలి.
  • అశ్లీల చిత్రాలలోని వ్యక్తులు, పరిస్థితులు నిజం కాదని పిల్లలకు వివరించి, శాస్త్రీయమైన  నిపుణుల అభిప్రాయాలను వారికి వివరించాలి.
  • నీలి చిత్రాలు చూడటం వ్యసనంగా మారి దానివల్ల ఆందోళన, కోపం, డిప్రెషన్, విసుగు వంటి లక్షణాలు ఉన్నప్పుడు వాటిని నియంత్రించడానికి సంగీతం, సైకిల్ తొక్కడం, యోగా చేయడం వంటివాటిని ఆశ్రయించాలి.
  • ఈ వ్యసనం నియంత్రించలేని స్థాయికి చేరితే మానసిక వైద్య నిపుణుల చేత కౌన్సెలింగ్ ఇప్పించాలి.



Recent Stories







bpositivetelugu

ధన్యజీవులు

 అభిరుచి మేరకు మనిషి ఏ రంగంలోనైనా ఎదగవచ్చు. అయితే , ఆ రంగంలో తాను ఉన్నత స్థితికి చేరేనాటికి, 

MORE
bpositivetelugu

మహిమాన్విత క్షేత్రం.. మంత్రాలయం

దక్షిణ భారత దేశంలో ప్రసిద్ది చెందిన పుణ్య క్షేత్రాల్లో మంత్రాలయం ముఖ్యమైనది. 

MORE