టీచర్ చెప్పిందంతా శ్రద్ధగా విన్నట్లే కనిపిస్తారు. తిరిగి ప్రశ్నిస్తే తెల్ల మొహం వేస్తారు. ఇంట్లో పెద్దలు బయటికెళ్లి ఏదైనా వస్తువు తెమ్మని వివరాలు చెబుతుంటే ఇకచాలన్నట్టు మొహం పెడతారు. తీరా బయటికెళ్ళాక కొనాల్సిన వస్తువు మరచిపోయి ఒత్తి చేతులతో తిరిగొస్తారు . ఇవీ పరధ్యానంగా ఉండే కొందరు పిల్లల్లో కనిపించే కొన్ని లక్షణాలు. ఏదైనా విషయాన్ని లేక సంఘటనను గురించి లోతుగా ఆలోచించటం, అప్పటి ఘటనతో తాదాత్మ్యత చెందినప్పుడు ఎవరైనా రవ్వంత ఏమరపాటుగా ఉండటం సహజమే.అయితే ఈ పరిస్థితి రోజువారీ వ్యవహారంగా మారి ఎప్పుడూ మనిషొకచోట, మానసిక చోట ఉన్నట్లు మారితే దాన్ని పరధ్యానం అంటారు. ఇది అన్ని వయసుల వారిలోనూ కనిపిస్తుంది. ఇలాంటి పిల్లలు ఏ పనిమీదా సరిగా దృష్టి కేంద్రీకరించలేరు. కేవలం లక్షణాలను బట్టి దీన్ని మానసిక వ్యాధిగా భావించలేము. అయితే ఇది కొన్ని రకాల మానసిక సమస్యల లక్షణం కావచ్చు.నిజానికి చక్కని తెలివి తేటలున్న వారే ఎక్కువగా పరధ్యానంగా కనిపించటం విశేషం.

లక్షణాలు

  • ఇతర పిల్లల మాదిరిగా నేర్చుకోవాలన్న ఆసక్తి, ఏకాగ్రత ఉండదు. సున్నిత స్వభావులుగా, ఊహల్లో ఉంటారు. భవిష్యత్తును పలుకోణాల్లో ఊహిస్తూ ఉంటారు.
  • చదువు పట్ల పెద్ద ఆసక్తి ప్రదర్శించటం, కష్టపడి చదవటం ఉండవు. చూసేందుకు అమాయకుల్లా ఉంటారు. వేషధారణ, అవసరాల గురించి పట్టించుకోరు.
  • ఏకాంతంగా ఉండేదుకు ఇష్టపడతారు. తమలో తాము మాట్లాడుకోవటం, నవ్వుకోవటం చేస్తారు. ఒక్కోసారి ఎదురుగా మనిషి ఉన్నా పట్టనట్లు, ఉదాసీనంగా, ఒక్కోసారి ఎవరూ లేకున్నా, ఎవరో మాట్లాడుతున్నట్టుగా ఉంటారు.
  • అవకాశం వచ్చినా ప్రతిభను చాటేందుకు ఉత్సాహం చూపరు. అడిగితే క్లుప్తంగా, అనాసక్తిగా జవాబిస్తారు.
  • ప్రశాంతత కోరుకునే వీరుఉత్సాహంగా, గందరగోళంగా ఉండే వాతావరణానికి దూరంగా ఉంటారు.
  • ప్రతి చిన్న పనికీ ఇతరుల మీద ఆధారపడతారు.
  • పని చేస్తూనే ఉంటారు గానీ ఏమి చేస్తున్నావని అడిగితే వెంటనే జవాబు చెప్పలేరు.
  • ఇచ్చిన మాటను నిలుపుకోలేరు. అదేమని ప్రశ్నిస్తే బిక్క మొహం పెడతారు.
  • కళ్ళ ముందు కనిపించే వటువునూ గుర్తించలేక వెతుకుతూ ఉంటారు.
  • తోటిపిల్లలతో కలవరు గనుక వీరికి ఎక్కువ మంది స్నేహితులు ఉండరు.

కారణాలు

  • పెద్దల నుంచి పిల్లలకు సంక్రమించటం
  • ఇంట్లో పెద్దల నమ్మకాన్ని పొందలేకపోవటం, పెద్దలు పిల్లలను నిర్లక్ష్యం చేయటం
  • పెద్దలు అతిగారాబం చేసి పిల్లలను స్వతంత్రంగా ఆలోచించే అవకాశం ఇవ్వకపోవటం
  • పిల్లలు మానసికంగా ఒత్తిడికి లోనైనప్పుడు
  • మందుల ప్రభావం

పెద్దల బాధ్యత

  • పిల్లల పరధ్యానం ఎందుకో పెద్దలు ప్రేమగా అడిగి, వారికి మాట్లాడే అవకాశం ఇవ్వాలి. అప్పుడు సమస్యకు సులువుగా పరిష్కారం దొరుకుతుంది.
  • తల్లిదండ్రులు ఇలాంటి పిల్లల కోసం తగినంత సమయం కేటాయించాలి. వారితో స్నేహంగా మసలుకోవాలి.
  • పిల్లలకు ఇష్టమైన వ్యాపకాలను గుర్తించి వారితో కలిసి పెద్దలూ చేయాలి. బాగా చేసినప్పుడు మెచ్చుకోవాలి.
  • ఉదయం మొదలు రాత్రి వరకు చేసిన పనులన్నీ ఒక డైరీలో వరుస క్రమంలో రాసేలా అలవాటు చేయాలి. పని, సమయాన్ని సమన్వయం చేసుకోవటం గురించి వివరించాలి.
  • ఏకాగ్రత కుదిరేందుకుసంగీతం, సాహిత్యం చదవటం, చిత్రలేఖనం వంటి వాటిలో శిక్షణ ఇప్పించాలి.
  • ఏది జరిగినా మంచికే అనే భావనను పిల్లల్లో పాదుకొల్పి అనవసరపు ఆందోళనను దూరం చేయాలి.అవసరం లేదని చెప్పాలి.
  • సమయానుకూలంగా పనిని విభజించుకొని దానికి తగినట్టుగా పనులు చేసుకోవాలి.
  • పిల్లల ఏకాగ్రత పెరిగేందుకు ఉపయోగపడే పొడుపు కథలు, పజిల్స్‌ సాధన, చెస్ వంటివి అలవాటు చేయాలి.
  • మానసిక రుగ్మత ఉన్నట్లు అనిపిస్తే మనస్తత్వ నిపుణులను సంప్రదించి తగు చికిత్స ఇప్పించాలి.



Recent Stories







bpositivetelugu

ధన్యజీవులు

 అభిరుచి మేరకు మనిషి ఏ రంగంలోనైనా ఎదగవచ్చు. అయితే , ఆ రంగంలో తాను ఉన్నత స్థితికి చేరేనాటికి, 

MORE
bpositivetelugu

మహిమాన్విత క్షేత్రం.. మంత్రాలయం

దక్షిణ భారత దేశంలో ప్రసిద్ది చెందిన పుణ్య క్షేత్రాల్లో మంత్రాలయం ముఖ్యమైనది. 

MORE