• HOME
  • అందం
  • చుండ్రుకు చెక్ పెట్టే చిట్కాలు

   ఇతర సీజన్ లలో కంటే శీతాకాలంలో చుండ్రు బెడద ఎక్కువ. వాతావరణ కాలుష్యం, మానసిక ఒత్తిడి, వంశపారంపర్యత వంటి కారణాలు ఈ సమస్యకు ప్రధాన కారణాలు. ఎక్కువ సమయం ఎసిలో ఉండటం, రోజంతా ఫాన్ గాలికి కూర్చోవటం, తలస్నానం సమయంలో వాడిన షాంపు పూర్తిగా పోకుండా మాడుకు అంటుకోవటం, పోషకాహార లోపం, హార్మోన్ల సమస్యల మూలంగానూ ఈ సమస్య రావచ్చు. చుండ్రు సమస్యకు నేరుగా మందులు వాడటం కంటే ఇంట్లోనే చేసుకునే పదార్థాలను వాడి తగు జాగ్రత్తలు పాటించటం మంచిది. వాటి వివరాలు...

  • చుండ్రు బాధితులు రోజువారీ ఆహారంలో ఆకుకూరలు, పీచుపదార్థం ఉండేలా చూసుకోవాలి. విటమిన్ -ఎ అధికంగా ఉండే పండ్లు తీసుకోవాలి. ప్రొటీన్లు ఎక్కువగా గింజలు, కాయగూరలు,చేపలూ తీసుకోవాలి. వేప్పుళ్ళకు మాత్రం దూరంగా ఉండాలి.
  • తలస్నానం చేసినప్పుడు శుభ్రంగా తుడుచుకోవాలి. కండిషనర్ వాడిన తర్వాత తలను శుభ్రపరచటంతో బాటు తలస్నానం తర్వాత షాంపూ అవశేషాలు జుట్టు, మాడు మీద లేకుండా చూసుకోవాలి.
  • తలకు ఎండ, గాలి తగలకుండా కప్పి వుంచకూడదు. పొడి చర్మం ఉన్నవారు అవసరాన్నిబట్టి తగిన మాయిశ్చరైజర్, షాంపూ, హెర్బల్ కండిషనర్ ఎంపిక చేసుకొని వాడాలి.
  • షాంపూతో తలస్నానం చేశాక 6 చెంచాల నీటిలో 3 చెంచాల వెనిగర్ కలిపి తలకు పట్టించాలి. వారానికోసారి, 3 నెలలు ఇలా చేస్తే చుండ్రు తగ్గుతుంది.
  • తలస్నానానికి అరగంట ముందు పులిసిన పెరుగు, నిమ్మరసం కలిపి తలకు రాయాలి. వారానికోసారి ఇలా చేస్తే చుండ్రు వదిలిపోతుంది.
  • ఉసిరిలోని ఐరన్‌ జుట్టు ఆరోగ్యాన్ని కాపాడుతుంది గనుక నిమ్మరసంలో ఉసిరి రసం లేదా ఉసిరి పొడి కలిపి తలకు బాగా పట్టించి మర్ధన చేసి ఓ గంట తర్వాత స్నానం చేయాలి.
  • 4 గోరువెచ్చటి కొబ్బరినూనెలో 2 చెంచాల నిమ్మరసం కలిపి తలకు పట్టించి అరగంట పాటు మర్దన చేసి వేడినీటిలో ముంచిన తువ్వాలు తలకు చుట్టి అరగంట తర్వాత తలస్నానం చేస్తే చుండ్రు వదిలిపోతుంది. వారానికి 2 సార్లయినా ఇలా చేయాలి.
  • మెంతులు నానబెట్టి రుబ్బి తలకు పట్టించి మర్దన చేసి అరగంట తర్వాత తలస్నానం చేస్తే ఎంతటి చుండ్రయినా వదిలిపోతుంది.



Recent Stories







bpositivetelugu

మేలైన ఆరోగ్యానికి ఈ యాప్స్‌ వాడాల్సిందే ..!

ఇప్పటి రోజుల్లో ఎవరిచేతిలో చూసినా స్మార్ట్ ఫోన్ కనిపిస్తోంది. దీంతో పలు అవసరాలకు పనికొచ్చే యాప్స్ వినియోగం 

MORE
bpositivetelugu

జపమూ యజ్ఞమే

పరమాత్మను చేరేందుకు సాయపడే సులువైన మార్గాల్లో జపం ముఖ్యమైనది. యోగసాధనలోనూ జపం ఒక ముఖ్యాంశంగా ఉంది. జప 

MORE