రంగుల పండుగ హోలీ ! మనదేశంలో ఆబాలగోపాలం ఆనందంతో చేసుకునే వేడుక ఇది. సహజ సిద్దమైన, పర్యావరణ హితమైన రంగులు చల్లుకుంటూ చేసుకునే ఈ వేడుక ఇటీవలి కాలంలో  పలు మార్పులకు గురవుతోంది . హోలీ రంగుల్లో రసాయనాలు, పారిశ్రామిక వ్యర్ధాలు కలిపి అమ్ముతున్న పరిస్థితి. తెలియక ఈ రంగులు కొని చల్లు కోవటం వల్ల పలు చర్మ సమస్యలతో బాటు కంటి చూపు సమస్యలూ వచ్చే ప్రమాదం ఉంది. కృత్రిమ రంగుల స్థానంలో  సహజ సిద్దమైన రంగులను వాడటమే ఈ సమస్యకున్న ఏకైక పరిష్కారం. 

ఇంట్లోనే రంగుల తయారీ

  • ఆకుకూరలను పేస్ట్ చేసి దాన్ని నీటిలో కలిపితే  ఆకు పచ్చ రంగు  నీరు రెడీ అయినట్టే.
  • ఎర్ర చందనం పొడిని హోలీ రంగుగా వాడొచ్చు. దాన్ని నీటిలో మరిగిస్తే ఎర్ర రంగు నీళ్ళు సిద్దమైనట్లే.
  • పసుపు, శనగపిండి కలిపితే నిండు పసుపు రంగు కూడా ఉన్నట్టే.
  • గోరింటాకు పొడి నీటిలో కలిపి నారింజ రంగు చేసుకోవచ్చు.
  • గోరింటాకు పొడి, ఉసిరి కాయ పొడిని నీటిలో కలిపితే ముదురు గోధుమరంగు వస్తుంది.  
  • మందార పూల గుజ్జును నీటిలో కలుపుకుంటే యెర్ర రంగు హోలీకి సిద్దమైనట్లే.
  • బంతి, చామంతి పూలను రాత్రంతా నీటిలో నానబెడితే లేత పసుపు రంగు వస్తుంది.

పాటించాల్సిన జాగ్రత్తలు

  • హోలీకి ముందు రోజుల్లో ఫేషియల్స్ చేయించుకోవద్దు.
  • హోలీ ఆడేందుకు వెళ్ళే ముందు ముఖం, చేతులు, కాళ్ళు, మెడ భాగాలకు ఆయిల్, పెట్రోలియం జెల్లీ వంటివి రాసుకుంటే రంగుల ప్రభావాన్ని నిరోధించవచ్చు.
  • రంగుల ప్రభావం జుట్టు మీద పడకుండా ఉండాలంటే తప్పనిసరిగా నూనె రాయాల్సిందే.
  • వీలున్నంత మేర ఒంటిని పూర్తిగా కప్పే వస్త్రాలను ధరిస్తే రంగుల ప్రభావం నుంచి కాపాడుకోవచ్చు.
  • రంగులు పూసుకున్న తర్వాత నీడలో తప్ప ఎండలో కూర్చోకూడదు.  
  • తలపై అంటుకున్న రంగులను షాంపూ. సబ్బుల సాయంతో పూర్తిగా పోయేవరకు కడిగి ఒళ్ళంతా  మాయిశ్చరైజెర్ రాసుకోవాలి.

 



Recent Stories







bpositivetelugu

ధన్యజీవులు

 అభిరుచి మేరకు మనిషి ఏ రంగంలోనైనా ఎదగవచ్చు. అయితే , ఆ రంగంలో తాను ఉన్నత స్థితికి చేరేనాటికి, 

MORE
bpositivetelugu

రామనామ విశిష్టత

కలియుగంలో భగవన్నామ స్మరణకు మించిన ఉత్తమ సాధన మరొకటి లేదని శాస్త్రాలు చెబుతున్నాయి. భగవన్నామంలో ఒక 

MORE