మహిళలను వేధించే ఆరోగ్య సమస్యల్లో రొమ్ము క్యాన్సర్ ప్రధానమైనది. నానాటికీ ఈ తరహా కేసుల సంఖ్య గణనీయంగా పెరుగుతున్న నేపథ్యంలో ప్రతి మహిళా దీని గురించి అవగాహన పెంచుకోవడం అత్యంత అవసరం. తగినంత అవగాహన లేని కారణంగా మన సమాజంలో ఇప్పటికీ ఈ సమస్య విషయంలో లెక్కకు మించినన్ని అపోహలు ప్రచారంలో ఉన్నాయి. అలాంటి కొన్ని అపోహలు, వాటి వెనక వాస్తవాల గురించి తెలుసుకుందాం.

అపోహ: రొమ్ము క్యాన్సర్ కేవలం మహిళలకు మాత్రమే పరిమితమైన సమస్య.

వాస్తవం: ఇది పూర్తిగా అపోహే. పురుషులకు కూడా ఈ సమస్య రావచ్చు.

అపోహ: ముందుతరంలో ఎవరైనా రొమ్ము క్యాన్సర్ బారినపడితే తర్వాతి తరంలో వారికీ తప్పక వస్తుంది.

వాస్తవం: పెద్దలకు క్యాన్సర్ ఉన్నాతర్వాతి తరంలో కేవలం 10 శాతం కేసుల్లోనే ఈ ప్రమాదం ఉంటుంది తప్ప అందరికీ రాదు.

అపోహ: రొమ్ముల్లో వచ్చే కణుతులన్నీ క్యాన్సర్ గడ్డలే.

వాస్తవం: రొమ్ములో కనిపించే గడ్డల్లో కొవ్వు కారణంగా వచ్చేవే ఎక్కువ. 10 రొమ్ము గడ్డల్లో కేవలం ఒకటి మాత్రమే క్యాన్సర్ అయ్యే ప్రమాదం ఉంటుంది.

అపోహ: వయసు పైబడిన మహిళల్లోనే రొమ్ము క్యాన్సర్ కనిపిస్తుంది.

వాస్తవం: గతంలో ఈ పరిస్థితి ఉన్నమాట నిజమే అయినా ఇప్పుడు 30 ఏళ్లకే ఈ సమస్య బారినపడుతున్న మహిళల సంఖ్య పెరుగుతోంది.

అపోహ: రొమ్ము క్యాన్సర్ కు కారణాలు ఉండవు.

వాస్తవం: వంశపారంపర్యత, సంతానం లేకపోవటం, అధిక బరువు, మెనోపాజ్ త్వరగా రావటం, 30 ఏళ్ళ తర్వాతే తొలి సంతానం కలగటం, 12 ఏళ్లకు ముందే రజస్వల కావటం, అనారోగ్యకరమైన జీవనశైలి వంటి ఎన్నో కారణాల వల్ల క్యాన్సర్ రావచ్చు.

 అపోహ: బిడ్డకు పాలిస్తే రొమ్ము క్యాన్సర్ రాదు

వాస్తవం: బిడ్డకు పాలిస్తే రొమ్ము క్యాన్సర్ ముప్పు తగ్గుతుంది తప్ప 100 శాతం రాదని ఖచ్చితంగా చెప్పలేము.

 అపోహ: గర్భనిరోధక మాత్రలు వాడితే రొమ్ము క్యాన్సర్ తప్పదు.

వాస్తవం: ఇప్పుడు లభిస్తున్న గర్భ నిరోధక మాత్రల్లో కొద్ది మొత్తంలోనే ఈస్ట్రోజెన్, ప్రొజెస్టిరాన్ హార్మోన్లు ఉంటాయి గనుక ఈ మోతాదుతో క్యాన్సర్ వచ్చే ప్రమాదం లేదనే చెప్పాలి.

 అపోహ: చేతికి తగిలేంత సైజు పెరిగే వరకు రొమ్ము క్యాన్సర్ కణితిని గుర్తించడం కష్టం.

వాస్తవం: మామోగ్రఫీ పరీక్ష ద్వారా గడ్డలు తగలడానికి కొన్నేళ్ల ముందే రొమ్ము క్యాన్సర్‌ను గుర్తించవచ్చు. ఎంత ముందుగా గుర్తిస్తే చికిత్స అంత సులువవుతుంది. అందుకే 40 ఏళ్లు పైబడిన స్త్రీలంతా మామోగ్రామ్ పరీక్ష చేయించుకోవాలి.

అపోహ : మామోగ్రఫీ పరీక్ష చేసేటప్పుడు భరించలేనంత బాధ ఉంటుంది.

వాస్తవం: ఇది చాలా సులువైన పరీక్ష. ఎలాంటి నొప్పీ ఉండదు.



Recent Stories







bpositivetelugu

చదివింది బాగా గుర్తుండాలంటే..

 కొందరు విద్యార్థులు ఏడాది మొదటినుంచి ఏరోజు పాఠాలు ఆరోజు చదువుతారు. కానీ పరీక్షల్లో కష్టపడినంతగా రాణించలేరు.  

MORE
bpositivetelugu

అభీష్ట ప్రదాయని.. లలితా పరా భట్టారిక

త్రిపురత్రయంలో రెండో శక్తి లలితా త్రిపుర సుందరి. త్రిమూర్తుల కంటే ముందున్న కారణంగా త్రిపుర 

MORE