జపమాలలో 108 పూస‌లే ఎందుకుంటాయి? ఇది కేవలం లెక్కకోసం చేసిన ఏర్పాటేనా? లేక దీని వెనక మరేదైనా ఆంతర్యం ఉందా? అసలు 108 సంఖ్య గురించి మన శాస్త్రాలు ఏమి చెబుతున్నాయి? వంటి సందేహాలకు పెద్దలిస్తున్న వివరణ తెలుసుకుందాం.

  • మనిషి సగటున రోజుకు 21,600 సార్లు శ్వాసిస్తాడు. అందులో 10,800 సూర్యాంశ, 10,800 చంద్రాంశ అని తంత్ర శాస్త్రం చెబుతుంది. మనిషికి ప్రాణంకన్న ప్రియమైనది లేదు. అలాంటి ప్రియమైన ప్రాణానికి ఏకైక ఆధారం శ్వాస. మనకు శ్వాస ద్వారా ప్రాణశక్తిని ప్రసాదించిన ఆ పరమాత్మను ప్రతి శ్వాసకీ స్మరిస్తూ కృతజ్ఞత చెప్పటమే జపం. అందుకే మన పూర్వీకులు రోజుకు 10800 నామ జపం చేసేవారట. కాలంతో బాటు వచ్చిన మార్పులను బట్టి ఈ సంఖ్య 108 కి తగ్గినదని చెబుతారు.
  • జ్యోతిషం ప్రకారం మనిషి జీవితం రాశుల, గ్రహాల మీద ఆధారపడి ఉంటుంది. ఇందులో రాసుల సంఖ్య 12 కాగా గ్రహాల సంఖ్య 9. ఈ రెంటినీ గుణిస్తే 108 సంఖ్య వస్తుంది. అందుకే జ‌ప‌మాల‌లో 108 పూస‌ల‌ను నిర్థారించారు. అంటే 108 సంఖ్యా మొత్తం విశ్వానికి ప్రాతినిధ్యం వ‌హిస్తుందన్నమాట.
  • జ్యోతిష శాస్త్రం ప్రకారం నక్షత్రాలు 27. ఒక్కో న‌క్షత్రానికి 4 పాదాలు. అంటే 27 న‌క్షత్రాల‌కు క‌లిపి మొత్తం 108 పాదాల‌వుతాయి. జ‌ప‌మాల‌లోని ఒక్కో పూస ఒక్కో పాదానికి ప్రాతినిధ్యం వ‌హిస్తుంది. అవే 108 ప్రాథమిక మానవ ప్రవృత్తులు.
  • బౌద్ధులు వాడే జపమాలలోనూ 108 పూసలు ఉంటాయి. టిబెట్టు బౌద్ధుల 'కహగ్పూర్'లో 108 పంక్తులు ఉంటాయి. పెకింగ్ లో ప్రకాశ వంతంగా కనిపిచే చైనీస్ వైట్ హౌజ్ లో 108 స్తంభాలు ఉన్నాయి.
  • జపాన్లో చనిపోయిన వారి కర్మకాండలు జరిపించేప్పుడు 108 దీపాలను వెలిగిచి,108 రూపాయలు దానంచేస్తారు. నూతన సంవత్సర సమయంలో ౧౦౮ సార్లు గంటలు కొడతారు. బర్మాలోని బుద్ధుని పాద చిహ్నంలో 108 భాగాలున్నాయి.
  • 108ని కూడితే వచ్చేది 9. ఇది పరిపూర్ణత్వాన్ని సూచిస్తుంది. అంతేకాదు ఏ సంఖ్యనైనా 9 సార్లు హెచ్చించి, కూడినా వచ్చేది తొమ్మిదే. మన ఉపనిషత్తుల సంఖ్య కూడా 108.
  • ఖగోళ శాస్త్రం ప్రకారం సూర్యుడి వ్యాసాన్ని 108 తో గుణిస్తే సూర్యుడికీ, భూమికీ మధ్య దూరం వస్తుంది. అట్లాగే చంద్రుడి వ్యాసాన్ని 108 తో గుణిస్తే చంద్రుడికీ, భూమికీ మధ్య దూరం వస్తుంది. సూర్యుడి వ్యాసం భూమి వ్యాసానికి 108 రెట్లు.
  • ఆయుర్వేదం ప్రకారం మనిషి శరీరంలోని మర్మ స్థానాల సంఖ్యా 108. ఈ మర్మస్థానాల ద్వారా ప్రాణశక్తి జీవిని చైతన్యపరుస్తుంది.
  • శ్రీ చక్రయంత్రంలో 54 స్త్రీ, 54 పురుష అంతర్భాగాలు ఉంటాయి. వీటి మొత్తం 108.
  • భరతముని రూపొందించిన నాట్యశాస్త్రంలో చేతులు, కాళ్లు కలిపి చేసే నాట్యభంగిమల మొత్తం సంఖ్య 108.
  • సంస్కృత భాషలో అక్షరాలా సంఖ్య 54 కాగా వీటికి శివ, శక్తి తత్వాలైన స్త్రీ, పురుష రూపాలుంటాయి. అనగా 54 X 2 = 108.
  • భారతీయ కాలగణన ప్రకారం బ్రహ్మకు ఒక రోజు అంటే 4 యుగాలు కలిసి 43,20,000 సంవత్సరాలు. ఇది 108 అనే సంఖ్యతో భాగించబడుతుంది.



Recent Stories







bpositivetelugu

ఒత్తిడిని వదిలించే చిట్కాలు 

ఈ రోజుల్లో పట్టణ , నగరవాసులు తీవ్రమైన మానసిక ఒత్తిడితో కూడిన జీవితాలను గడుపుతున్నారు. కుటుంబ సమస్యలు, 

MORE
bpositivetelugu

కార్తీక నియమాలతో ఆరోగ్యం

మన భారతీయ సంస్కృతి నేర్పే సంప్రదాయాలు ఎంతో ప్రత్యేకమైనవే గాక మంచి ఆరోగ్యాన్నీ అందించేవి. కార్తీకమాస నియమాలే 

MORE