• HOME
  • భక్తి
  • కోర్కెలు తీర్చే తల్లి.. కూష్మాండ

దుర్గమ్మ నాలుగోరోజు అవతారం కూష్మాండ. గాఢాంధకారంలో మునిగిన జగత్తును లీలతో క్షణకాలంలో తిరిగి సృష్టించిన తల్లి కూష్మాండ. ఈ సృష్టిలో చరాచర ప్రాణి కోటిలో అంతర్లీనంగా భాసిస్తున్నది ఈ ఛైతన్యమే. జ్ఞానరూపిణిగా స్తుతించబడే కూష్మాండ రూపంతో అలరారే దేవి అభయముద్రలను ధరించి భక్తులను కాపాడుతుంది. నమ్మిన భక్తులకు బహురూపాలుగా కనిపించి రక్షిస్తుంది. ఆయుష్యును, ఆరోగ్యాన్ని ప్రసాదిస్తుంది. సంసారమనే జగత్తును ఉదరంలో నిలుపుకున్న మాయారూపిణి ఈ తల్లి. కూష్మాండము(గుమ్మడికాయ) అంటే ప్రీతి గలిగిన అమ్మగనుక ఈమెకు ‘కూష్మాండ’ అనేపేరు వచ్చింది.

రూప విశేషాలు

అమ్మవారు సూర్యకిరణ శోభతో మెరిసిపోతూ దర్శనమిస్తుంది. 8 భుజాలతో విలసిల్లే ఈ మాతను ‘అష్టభుజాదేవి’ గానూ పిలుస్తారు. 7 చేతులలో వరుసగా కమండలం, ధనుస్సూ, బాణమూ, కమలమూ, అమృతకలశమూ, చక్రము, గదలతోతేజరిల్లుతూ ఉండే అమ్మవారి 8వ చేతిలో సర్వ సిద్ధులనూ, నిధులనూ ప్రసాదించే జపమాల ఉంటుంది.

నవరాత్రి ఉత్సవాలలో నాల్గవరోజు సాధకుని మనస్సు అనాహత చక్రంలో స్థిరమవుతుంది. ఈ అమ్మవారిని ఉపాసకులకు మంచి ఆయుష్షు, ఆరోగ్యము ప్రాప్తిస్తాయి.భక్తులు చూపే కొద్దిపాటి భక్తి శ్రద్ధలకే అమ్మవారు ఎంతగానో పొంగిపోయి ప్రసన్నురాలు అవుతుంది. ఈ రోజు అమ్మవారికి (చిల్లిలేని) అల్లం వేసిన మినప గారెలనునివేదన చేస్తారు.

శ్లోకం

సురాసంపూర్ణకలశం రుధిరాప్లుతమేవ చ ।

దధానా హస్తపద్మాభ్యాం కూష్మాండా శుభదాస్తు మే ॥



Recent Stories







bpositivetelugu

చదివింది బాగా గుర్తుండాలంటే..

 కొందరు విద్యార్థులు ఏడాది మొదటినుంచి ఏరోజు పాఠాలు ఆరోజు చదువుతారు. కానీ పరీక్షల్లో కష్టపడినంతగా రాణించలేరు.  

MORE
bpositivetelugu

నవరాత్రులు.. నవ నైవేద్యాలు

దేవీ నవరాత్రుల్లో అమ్మవారి ఆరాధన విశేష ఫలాన్నిస్తుంది. ఆరాధనా విధిని అనుసరించి ఈ 9 రోజులూ వివిధ నైవేద్యాలను అమ్మవారికి 

MORE