మాసాల్లో మాఘం ఎంతో ప్రశస్త్యమైనది. ఈ మాసంలో వచ్చే పౌర్ణమినాడు చంద్రుడు మఘ (మఖ) నక్షత్రంతో కూడిఉంటాడు గనుక దీన్ని మాఘమాసం అంటారు. 'అఘం' అంటే పాపం. 'మా' అంటే లేనిది, తొలగించేది అర్థం. ఈ మాసంలో సూర్యోదయానికి పూర్వం చేసే ప్రతి పుణ్య స్నానం ఎంతో విశేషమైన ఫలితాన్నిస్తుంది. నారద, పద్మ పురాణాల్లో మాఘ స్నాన ఫలితాల ప్రస్తావన కనిపిస్తుంది. ఈ మాసమంతా పుణ్యస్నానం చేయలేనివారు కనీసం మాఘపౌర్ణమి నాడైనా సముద్ర స్నానం చేస్తే ఆ ఫలితాన్ని పొందవచ్చని పురాణాలు చెబుతున్నాయి. 

    ఈ మాఘ పౌర్ణమినే 'మహామాఘి' అంటారు. ఈ రోజే సతీదేవి దక్షునికి లభించినట్లు పురాణ కథనం. ఏడాదిలో వచ్చే అన్ని పున్నమిల కంటే ఇది అత్యంత ఉత్కృష్టమైనది. సాధారణంగా ఈ రోజున స్నాన జలములో గంగ నిలిచి ఉన్నకారణంగా ఈ రోజు చేసే పుణ్య స్నానం పాపాలను హరించి విష్ణులోక ప్రాప్తి కలిగిస్తుంది. శివ, కేశవులిద్దరికీ ప్రీతికరమైన ఈ రోజున గంగ, త్రివేణీ సంగమాల్లో బ్రహ్మ ముహూర్తం నుంచి సూర్యోదయం లోపు కోట్లాదిమంది పుణ్యస్నానాలు చేస్తారు. ఆ అవకాశం లేనివారు సముద్రం, చెరువు, బావి వద్ద, చివరకు ఇంట్లో నైనా గంగను స్మరించి స్నానం చేస్తే అంతటి పుణ్యఫలాన్ని పొందుతారు. 

    ఈ మహత్తరమైన మహామాఘి రోజున చేసే ప్రతి జప, తప, పూజా, హోమ, దానాదులు అనంత ఫలితాన్నిస్తాయి. ఈ రోజున ప్రదోష సమయంలో శివాలయంలో ఆవుపాలతో అభిషేకం చేసి, నువ్వుల నూనెతో దీపారాధన చేసినవారికి సకల శుభాలు చేకూరతాయి. అమ్మవారికి ఈ రోజున కుంకుమార్చన చేసే మహిళలకు సౌభాగ్య ప్రాప్తి కలుగుతుంది. మాఘ నక్షత్రం అధిదేవత బృహస్పతి కాబట్టి ఈ రోజున బృహస్పతిని పూజించాలి. ఈ రోజు చెప్పులు, గొడుగు, వస్త్రాలు దానమివ్వటం వల్ల పలు దోషాలు తొలగిపోతాయి.



Recent Stories







bpositivetelugu

మల్లెలతో మేలైన మానసిక ఉల్లాసం 

ఈ సీజన్లో లభించే పుష్పాలలో మల్లెలదే అగ్రస్థానం. మల్లెల పరిమళాలకు లోనుకానివారుండరు. మల్లెమొగ్గలు చూడగానే మహిళల కురులు దాసోహం

MORE
bpositivetelugu

అన్నదానం ఎందుకు?

   పలు సందర్భాల్లో చాలామంది అన్నదానము చేయటం మనం చూస్తుంటాం. అయితే అసలు అన్నదానం ఎందుకు చేయాలి? అనే 

MORE

A PHP Error was encountered

Severity: Core Warning

Message: PHP Startup: Unable to load dynamic library 'C:\Program Files\PHP\v7.0\ext\php_mysql.dll' - The specified module could not be found.

Filename: Unknown

Line Number: 0

Backtrace: