సంస్కృత భాషలో భుజంగం అంటే పాము. పడగ విప్పిన పాము నిలిచినట్లుగా ఉండే భుజంగాసనం అన్ని వయసుల వారికీ అనుకూలమైన ఆసనం. తగినంత సమయం ఉన్నప్పుడు ఈ ఆసనాన్నిసాధన చేయాలి.  పేరుకు ఒక ఆసనంగా కనిపించే భుజంగాసనంలో శలభాసనం, ధనురాసనాలు భాగంగా ఉంటాయి.  

చేసే విధానం

  • బోర్లా పడుకోవాలి.
  • కాలిమడమలను బొటనవేళ్లను కలిపి ఉంచాలి.
  • గడ్డం నేలకు ఆనించాలి.
  • అరికాళ్లు పై వైపుకు తిరిగి ఉండాలి.
  • రెండు చేతులను ఛాతీకి దగ్గరగా నేలమీద ఉంచాలి.
  • కొద్దిగా శ్వాస పీల్చి, పాము పడగెత్తినట్లు తలపైకి ఎత్తి నడుమును వెనుకకు వీలైనంత వరకు వంచాలి.
  • బొడ్డు నేలకు అంటీ అంటనట్లుగా ఉంచండి.
  • కొద్ధి క్షణాలు తరువాత మెల్లగా తలను నేలపై ఆనించాలి.
  • కొద్ది క్షణాలు మకరాసనంలో విశ్రాంతి తీసుకోవాలి. 

ప్రయోజనాలు

  • రోజంతా కంప్యూటర్ మీద పనిచేసే ఉద్యోగులకు వచ్చే వెన్ను,మెడ సమస్యలకు ఈ ఆసనం చక్కని విరుగుడు.
  • రుతు సమస్యలున్న మహిళలు రోజూ ఈ ఆసనం సాధన చేస్తే మంచి ఫలితం కనిపిస్తుంది.
  • అండాశయం, మూత్రాశయ సమస్యలను ఇది నివారిస్తుంది.
  • గర్భసంచి, నడుము భాగాల్లోని నరాలను ఉత్తేజితం చేస్తుంది.
  • మధుమేహ వ్యాధిగ్రస్తులు సైతం ఈ ఆసనం వేయడం ద్వారా మంచి ఫలితాలు పొందవచ్చు.
  • రోజూ ఈ ఆసనం వేస్తే లోబీపీ సమస్య దూరమవుతుంది.
  • మానసిక ఒత్తిడిని దూరం చేస్తుంది. 

గమనిక

ఈ ఆసనం వేసేటప్పుడు శరీరబరువును వెన్నుపూస మీద పడకుండా కేవలం  చేతుల మీద మాత్రమే మోపాలి.



Recent Stories







bpositivetelugu

చదివింది బాగా గుర్తుండాలంటే..

 కొందరు విద్యార్థులు ఏడాది మొదటినుంచి ఏరోజు పాఠాలు ఆరోజు చదువుతారు. కానీ పరీక్షల్లో కష్టపడినంతగా రాణించలేరు.  

MORE
bpositivetelugu

అభీష్ట ప్రదాయని.. లలితా పరా భట్టారిక

త్రిపురత్రయంలో రెండో శక్తి లలితా త్రిపుర సుందరి. త్రిమూర్తుల కంటే ముందున్న కారణంగా త్రిపుర 

MORE