మైదానంలో చేసే వ్యాయామాల్లో రన్నింగ్ ముఖ్యమైనది. కసరత్తుకు శరీరాన్ని సిద్ధం చేసే అత్యుత్తమ, సులభమైన వ్యాయామం పరుగే. రన్నింగ్ సమయంలో నూటికి 90 శాతం మంది షూ వాడతారు. షూ లేకుండా  ఒట్టి కాళ్లతో పరుగెత్తటం ఏ మాత్రం మంచిది కాదని కూడా వీరు భావిస్తుంటారు. అయితే ఇది పూర్తిగా నిజం కాదు. తగిన జాగ్రత్తలు పాటిస్తూ ఒట్టి కాళ్లతో పరిగెత్తగలిగితే చక్కని శారీరక సామర్ధ్యంతో బాటు ఆరోగ్యపరమైన మేలు చేకూరుతుందని  క్రీడానిపుణులు చెబుతున్నారు.

ఉపయోగాలు

  • ఒట్టి కాళ్లతో పరుగెట్టటం సహజమైన, మేలైన ప్రక్రియ.
  • అరికాలు భూమిని ఏ మేరకు తాకుతుందనే అంశాన్ని బట్టి షూ అవసరమా లేదా అని తేల్చుకోవాలి. షూ వాడినప్పటి కంటే ఒట్టి కాళ్లతో రన్నింగ్ చేసినప్పుడు పాదపు కండరాలు, కీళ్ల మధ్యన పడే ఒత్తిడి 3 రెట్లు  తక్కువని పలు పరిశోధనల్లో తేలింది.
  • ఒట్టి కాళ్ళతో పరిగెత్తేటప్పుడు మడమలు, కాలి వేళ్ళు నేరుగా భూమిని తాకి తగినంత ఒత్తిడిని కలిగించి తద్వారా సులువుగా ముందుకు దూసుకు పోయేందుకు అవసరమైన శక్తిని పుంజుకునేలా చేస్తాయి.
  • ఇలా పరుగెత్తటం వల్ల అరికాళ్ళలోని సున్నితమైన నరాలు నేరుగా భూమిని తాకటం వల్ల ఆయా భాగాలలో రక్తప్రసరణ మెరుగు పడుతుంది.

జాగ్రత్తలు

  • పాదాలు, మడమల పరిస్థితిని పూర్తిగా అంచనా వేసి నిపుణులు సరేనన్నతర్వాతే ఒట్టి కాళ్ళతో రన్నింగ్ చేయాలి.
  • ఆరంభించిన తొలిరోజే ఎక్కువ దూరం రన్నింగ్ చేయరాదు. రోజూ కొద్దీ దూరం చేస్తూ పాదాలు బలోపేతమయ్యే కొద్దీ దూరాన్ని పెంచుకోవాలి.
  • ముందుగా నడక, తర్వాత జాగింగ్ చేస్తూ చివరగా రన్నింగ్ చేయాలి తప్ప ఏకబిగిన రన్నింగ్ చేయరాదు.
  • రన్నింగ్ చేసేటప్పుడు మధ్య మధ్యలో ఆగుతూ ముందుకు సాగాలి. లేకుంటే అరికాళ్ళలో తిమ్మిర్లు వచ్చే ముప్పు ఉంటుంది.
  • సిమెంట్, తారు రోడ్ల మీద ఒట్టికాళ్ళతో రన్నింగ్ చేయరాదు. మట్టిరోడ్డు, ఇసుక మార్గాల్లో మాత్రమే ఒట్టికాళ్ళతో రన్నింగ్ చేయాలి.
  • మధుమేహులు ఒట్టికాళ్ళతో రన్నింగ్ చేయటం ఏమాత్రం మంచిది కాదు. వీరు తప్పక మెత్తని, తేలికపాటి కాన్వాస్ ధరించాల్సిందే.
  • రన్నింగ్ చేసే దారిన బురద, ముళ్ళు, రాళ్లు లేకుండా చూసుకోవాల్సిందే.
  • ఒట్టి కాళ్లతో రన్నింగ్ చేయబోయే వారు తప్పక శరీర బరువు, ఇతరత్రా అనారోగ్య సమస్యలను కూడా పరిగణలోకి తీసుకోవాలి . 



Recent Stories







bpositivetelugu

ఒత్తిడిని వదిలించే చిట్కాలు 

ఈ రోజుల్లో పట్టణ , నగరవాసులు తీవ్రమైన మానసిక ఒత్తిడితో కూడిన జీవితాలను గడుపుతున్నారు. కుటుంబ సమస్యలు, 

MORE
bpositivetelugu

కార్తీక పూర్ణిమ విశేషాలు

నేడు కార్తీక పౌర్ణమి. శివుడికి మహాశివరాత్రి తర్వాత అత్యంత ప్రీతికరమైన రోజు కార్తీక పౌర్ణమే. ఈ రోజునే పరమేశ్వరుడు 

MORE