వెన్నుపూస నొప్పి, ఉదర సంబంధిత సమస్యలకు విపరీత నౌకాసనం చక్కని ఫలితాన్నిస్తుంది. రోజూ దీని సాధన చేసే వారి  భుజాలు, మెడ  దృఢంగా తయారవుతాయి. ఛాతీ పెరగటమే గాక  ఊపిరితిత్తుల సామర్ధ్యాన్ని, పరిమాణాన్ని పెంచుతుంది. ఈ ఆసనాన్ని చదునైన నేలపై సాధన చేయాలి. ఈ ఆసనం వేసినప్పుడు మన శరీరం నౌక ఆకారంలో మారుతుంది గనుకే దీనికి ఆ పేరు వచ్చింది.  

సాధన చేసే పద్దతి

  • ఉదరం, ఛాతీ భాగం నేలను తాకేలా బోర్లా పడుకోవాలి. నుదురు నేలను తాకేలా ఉంచాలి.
  • ఇప్పుడు చేతులను సమాంతరంగా ముందుకు చాచాలి.
  • నేలపై ఆనించిన నుదటి భాగాన్ని రెండు భుజాల మధ్యన ఉండేలా చూసుకోవాలి. భుజాలు ఖచ్చితంగా చెవులను తాకుతూ ఉండాలి.
  • ఇప్పుడు నెమ్మదిగా గాలి పీల్చుకుంటూ కాళ్ళు, మెడ, భుజాలు, తల భాగాలను మెల్లగా లేపాలి.
  • మోచేతులు, మోకాళ్ళు వంచరాదు. కుదుపులు లేకుండా చేసుకోవాలి.
  • పాదాలు ఒకదానికొకటి తాకుతూ ఉంచాలి.
  • తలను వీలైనంతగా పైకి లేపాలి.
  • ఇప్పుడు సాధ్యమైనంత మేరకు విల్లు మాదిరిగా వెనక్కు వంగాలి.
  • క్రమంగా మొత్తం శరీర బరువును పొత్తి కడుపు కింది నిలిపే స్థితికి రావాలి.
  • కనీసం 10 సెకనులపాటు ఈ భంగిమలో శ్వాస బిగపట్టి ఉంచి మెల్లగా గాలి వదులుతూ ప్రారంభదశకు చేరుకోవాలి.
  • శవాసన దశకు చేరుకుని విశ్రాంతి తీసుకోవాలి.



Recent Stories







bpositivetelugu

ఒత్తిడిని వదిలించే చిట్కాలు 

ఈ రోజుల్లో పట్టణ , నగరవాసులు తీవ్రమైన మానసిక ఒత్తిడితో కూడిన జీవితాలను గడుపుతున్నారు. కుటుంబ సమస్యలు, 

MORE
bpositivetelugu

కార్తీక నియమాలతో ఆరోగ్యం

మన భారతీయ సంస్కృతి నేర్పే సంప్రదాయాలు ఎంతో ప్రత్యేకమైనవే గాక మంచి ఆరోగ్యాన్నీ అందించేవి. కార్తీకమాస నియమాలే 

MORE