మన శరీరంలో శిరస్సు మొదలు అరికాళ్ళ వరకు లక్షలాది నాడులుంటాయి. జీవక్రియల నిర్వహణలో వీటి పాత్ర ఎంతో కీలకం. ఈ నాడుల ఆరోగ్యాన్ని కాపాడేందుకు, దెబ్బతిన్న వీటి పనితీరును మెరుగు పరచే ఆసనమే.. తాడాసనం. సంస్కృతంలో 'తాడ' అంటే పర్వతమని     అర్థం. నాడుల పనితీరుతో బాటు కాలి మడమలు , పిక్కల దృఢత్వానికీ ఈ ఆసనం ఎంతగానో దోహదం చేస్తుంది.

సాధనా ప‌ద్ధ‌తి

చదునైన నేల మీద నిటారుగా నిలబడి కాళ్ళు దగ్గరగా పెట్టాలి. ఈ భంగిమలో బొటన వేలి నుంచి మడమల వరకు తాకుతూ ఉండేలా చూసుకోవాలి. ఇప్పుడు రెండు అరచేతులను కలిపి పైకి తీసుకుని వెళ్లి, వ్రేళ్లలో వ్రేళ్లు చొప్పించాలి (ఇంటర్‌లాక్). ఈ భంగిమలో చేతులు వంచుకుండా నిటారుగా పెట్టాలి. ఇప్పుడు దీర్ఘశ్వాస తీసుకుని రెండు అరచేతులనూ ఆకాశం వైపు వీలున్నమేరకు పైకి లేపుతూ.. కాలి మునివేళ్లపై శరీర బరువును నిలపాలి.  ఈ భంగిమలో మోకాళ్ళు, తొడలు, పిరుదలు, ఉదర భాగంలోని కండరాలను కొద్దిగా బిగుతుగా ఉండేలా చూడాలి. ఈ స్థితిలో శ్వాస తీసుకోకుండా ఉండగలిగినంత సేపు ఉండి, ఆ తర్వాత నిదానంగా రెండు అరచేతులను తలపై బోర్లించి పాదాలను దించుతూ భూమికి ఆనేలా చూడాలి. తరువాత కాళ్ళను దూరం చేస్తూ విశ్రాంతి తీసుకోవాలి. ఇలా 10 సార్లు  సాధన చేయాలి.  

 ప్రయోజనాలు

 ఎత్తు పెరగాలనుకొనే వారికి ఓ మేరకు ఈ ఆసనం ఉపయోగపడుతుంది. నాడులు, ఎముకలు, కండరాలు, కాలివేళ్లు, మడమలు, మోకాళ్లు, భుజాలు, మోచేతులు, మణికట్టు, చేతివేళ్లు బలోపేతమవుతాయి.  

గమనిక: మోకాళ్లు నొప్పులున్నవారు, భుజాల కీళ్లు అరిగిపోయిన వాళ్లు ఈ ఆసనం సాధన చేయరాదు.



Recent Stories







bpositivetelugu

యాప్ సాయంతో పరీక్షల్లో రాణింపు 

 ఫిబ్రవరి వచ్చేసింది. విద్యార్థులు  పరీక్షల కోసం రాత్రీ పగలూ చదువుకొనే సమయం. ఇన్నాళ్లుగా చదివిన  పాఠాలు, విషయాల్ని 

MORE
bpositivetelugu

మోక్షసిద్దినిచ్చే కర్ణాటక  సప్త క్షేత్రాలు

భక్తుని అంతిమ లక్ష్యం మోక్షమే. అంటే.. మరల మరల జన్మనెత్తవలసిన అవసరం లేకపోవటం. ఈ మోక్షసిద్దికి అయోధ్య, మథుర, 

MORE