జీర్ణసంబంధిత సమస్యలకు చెక్ పెట్టి మంచి జీర్ణశక్తిని అందించే ఆసనాల్లో పశ్చిమోత్తానాసనం ఒకటి.  పశ్చిమోత్తానాసనం ఎలా సాధన చేయాలి, దానివల్ల కలిగే ఉపయోగాల గురించి తెలుసుకుందాం. 

సాధన 

 చదరంగా ఉన్నచోట కాళ్ళు ముందుకు చాచుకొని కూర్చోవాలి. అరచేతులను నేలకు ఆనిస్తూ వెన్నుపూస నిటారుగా ఉండేలా చూసుకోవాలి. ఆ తర్వాత   నెమ్మదిగా శ్వాస తీసుకుంటూ రెండు చేతులను 90 డిగ్రీల కోణంలో నిట్టనిలువుగా లేపి, దీర్ఘ శ్వాస తీసుకోవాలి. ఇప్పుడు నెమ్మదిగా శ్వాసను వదులుతూ వెన్ను, మెడ వంచకుండా ముందుకు వంగి నుదిటిని మోకాళ్ళకు తాకిస్తూ చేతులతో కాలిబొటన వేళ్లను పట్టుకోవాలి. ఈ స్థితిలో మోకాళ్లు పైకి లేపకూడదు. ఈ భంగిమలో శ్వాస తీసుకుని వదులుతూ ఉండగలిగినంత సేపు ఉండి తర్వాత మెల్లగా శ్వాస తీసుకుంటూ యథాస్థితికి రావాలి. ఇలా కనీసం 5 నుంచి 10సార్లు చేయాలి. తొలిసారి ఈ ఆసనం సాధన చేసేవారికి, పెద్ద పొట్ట ఉన్నవారికి  తల మోకాళ్ల మీదికి రాకపోవటం, ఆసనం మధ్యలో మోకాళ్ళు పైకిలేపటం వంటి ఇబ్బందులు ఎదురుకావడం సహజమే. అయితే సాధన చేసేకొద్దీ ఈ లోపాలను సవరించుకోవచ్చు.   

ఉపయోగాలు

  • పొత్తికడుపు కండరాల మీద ఒత్తిడి పెరిగి అక్కడ చేరిన అదనపు కొవ్వు కరుగుతుంది.
  • రక్తప్రసరణ మెరుగవటంతో బాటు రక్తశుద్ధి జరుగుతుంది.
  • జీర్ణవ్యవస్థ పనితీరు మెరుగుపడుతుంది.
  • క్లోమగ్రంథి పనితీరు మేరుపడి తగినంత ఇన్సులిన్ ఉత్పత్తై మధుమేహం అదుపులోకి వస్తుంది.
  • ఆకలి పెరుగుతుంది. మలబద్దకం బెడద ఉండదు.
  • గ్యాస్ట్రిక్ సమస్య, తలనొప్పి వంటి సమస్యలు వదిలిపోతాయి.



Recent Stories







bpositivetelugu

యాప్ సాయంతో పరీక్షల్లో రాణింపు 

 ఫిబ్రవరి వచ్చేసింది. విద్యార్థులు  పరీక్షల కోసం రాత్రీ పగలూ చదువుకొనే సమయం. ఇన్నాళ్లుగా చదివిన  పాఠాలు, విషయాల్ని 

MORE
bpositivetelugu

మోక్షసిద్దినిచ్చే కర్ణాటక  సప్త క్షేత్రాలు

భక్తుని అంతిమ లక్ష్యం మోక్షమే. అంటే.. మరల మరల జన్మనెత్తవలసిన అవసరం లేకపోవటం. ఈ మోక్షసిద్దికి అయోధ్య, మథుర, 

MORE