మన శరీర భంగిమల్లో కొన్నింటిని యోగశాస్త్రం ఆసనాలుగా గుర్తించింది. మానవ జీవితాన్ని మరింత స్పష్టంగా అర్థంచేసుకోవటానికి, దాని పరమార్ధాన్ని గుర్తించి సమున్నత లక్ష్యాల వైపు నడిపించేందుకు ఈ యోగాసనాలు ఎంతగానో ఉపయోగపడతాయి. 

భావనలను బట్టే భంగిమలు

సాధారణంగా.. మన మానసిక భావాలను బట్టి శరీరం ఆయా భంగిమలోకి మారుతుంది. అంటే.. సంతోషంలో ఉన్నప్పుడు ఒకలా, బాధలో మరోలా ఈ భంగిమలు మారిపోతాయి. కాస్త గమనించగలిగితే.. మనిషి భంగిమనుబట్టి అతని మానసికస్థితి స్పష్టంగా అంచనా వేయవచ్చు. అదే.. యోగాసనాలు వేసేటప్పుడు మాత్రం దీనికి విరుద్ధమైన పరిస్థితి ఉంటుంది. ఈ సమయంలో శరీరాన్ని ఒక నిర్దిష్ట భంగిమలోకి తీసుకువెళ్లి, తద్వారా మన లోపలి చైతన్యాన్ని పెంచేలా చేస్తాం. ఈ సమయంలో పాత ఆలోచనలకు భిన్నంగా మనం కోరుకున్న రీతిలో మన ఆలోచనలను మార్చుకోవచ్చు. 

ఆసనాలు కాదు.. వ్యవస్థలు

మన యోగాసనాలలో చైతన్యాన్ని పెంచే 84 ప్రాధమిక ఆసనాలు ఉన్నాయి. ఇక్కడ 84 ఆసనాలు అంటే.. 84 భంగిమలని గాక ముక్తి సాధనకై ఉన్న 84 వ్యవస్థలని తెలుసుకోవాలి. వీటిలో కనీసం ఒక్క యోగాసనంలోనైనా మనం ప్రావీణ్యం పొందగలిగితే .. ఈ సృష్టిలో తెలుసుకోదగినవన్నీ సులభంగా తెలుసుకోవచ్చు. అలాగే.. యోగాసనాలంటే సాధారణ వ్యాయామాలు కావు. అవి ప్రాణశక్తిని నిర్దిష్ట దిశలో నడిపించే సున్నితమైన ప్రక్రియలు. వీటిని ఒక స్థాయి ఎరుక (awareness)తో సాధన చేయాలి. అలాగే.. పతంజలి మహర్షి చెప్పినట్లు సాధన చేసే భంగిమ సౌకర్యవంతంగా, సుఖాన్ని అందించేదిగా ఉండాలి. అప్పుడే మనసుకు హాయి, శరీరంలో శక్తి, చైతన్యాల ప్రవాహం జరుగుతుంది. అలాంటి సందర్భాల్లో మనం ఊరికే కూర్చున్నా ధ్యానంలో ఉన్నట్లే. దీన్నిబట్టి ఆసనం అంటే.. సహజసిద్ధంగా ధ్యానస్థితిని పొందేందుకు వేసే ఒక సన్నాహక యత్నమని అర్థం చేసుకోవాలి. అందుకే.. ఆసనాలు చురుకైన ధ్యాన మార్గాలు.

 

ప్రేమాశీస్సులతో,

 

సద్గురు

(ఈషా ఫౌండేషన్ సౌజన్యంతో )



Recent Stories







bpositivetelugu

సంతోషమయ జీవితానికి..

మనిషి సంతోషంగా జీవితాన్ని గడపాలంటే సంతృప్తి చాలా అవసరం. అయితే మనిషి కోరికలు అనంతం. ఎన్ని కోరికలు తీరినా, మళ్లీ 

MORE
bpositivetelugu

నేడే శుభ శుక్రవారం

మానవాళి పాపాలను దేవుని కుమారుడైన  ఏసుక్రీస్తు తాను  శిలువనెక్కి మోశారు. సిలువపై ఆయన తన రక్తాన్ని చిందించి సమస్త 

MORE