ఆధునిక యోగ ప్రక్రియల్లో సుదర్శన క్రియ ఎంతో విశిష్టమైనది. ఆర్ట్ ఆఫ్ లివింగ్ లో భాగంగా పండిట్ రవిశంకర్ ప్రపంచానికి పరిచయం చేసిన అరుదైన యోగ ప్రక్రియ ఇది. సుదర్శన క్రియ చేయడం వల్ల ఉత్సాహం, జ్ఞాపకశక్తి, ఆలోచనశక్తిని పెంచే ప్రక్రియగా దీనికి గుర్తింపు ఉంది.

సాధనా విధి…

ఉజ్జయి, భస్రిక, ఓంకార ఉచ్చారణ, క్రియ అంటే 4 ప్రక్రియల సమాహారమే సుదర్శన క్రియ. వాటి సాధనా వివరాలు...

  • ముందుగా నిటారుగా వజ్రాసనంలో కూర్చొని కళ్లు మూసుకొని గట్టిగా శ్వాస తీసుకోవాలి. తర్వాత ఎనిమిది అంకెలు లెక్కపెట్టి నెమ్మదిగా శ్వాస వదలాలి. మళ్లీ శ్వాస తీసుకొని 8 అంకెలు లెక్కపెట్టాలి. ఇలా పలుమార్లు చేయాలి. దీన్నే ఉజ్జయి అంటారు.
  • రెండవది భస్రిక. అంటే.. వేగంగా శ్వాస తీసుకొని వదలడం. నిమిషానికి 30 సార్లు శ్వాస తీసుకొని వదలాలి. ఇలా తక్కువ సమయంలో ఎక్కువ సార్లు శ్వాస తీసుకోవటం సాధన చేయాలి.
  • రోజుకు 3 సార్లు ఓంకార ఉచ్చారణ.చేయాలి. ఆ ధ్వని బొడ్డునుంచి వచ్చేలా చూసుకోవాలి. ఇది మానసిక శుద్ధికి దోహదపడుతుంది.
  • చివరిది క్రియ. ఇది శ్వాస యొక్క ఆధునిక రూపం. ఇందులో సుమారు 45 నిముషాల పాటు నెమ్మదిగా ఉచ్వాస నిశ్వాసలు తీసుకొంటారు.

ప్రధాన ప్రయోజనాలు

  • శారీరక ఒత్తిడి తగ్గి చురుగ్గా పనిచేయగలుగుతారు. రోగనిరోధక శక్తి పెరిగి ఆరోగ్యం మెరుగుపడుతుంది. చెడు కొలెస్ట్రాల్ తగ్గుతుంది.
  • మెదడు పనితీరు మెరుగు పడుతుంది. జ్ఞాపక శక్తి పెరుగుతుంది.
  • కంటినిండా నిద్రపడుతుంది.
  • మానసిక అశాంతి, ఆందోళనల నుంచి విముక్తి లభిస్తుంది. క్రమబద్ధమైన జీవనం అలవడుతుంది.
  • ఇంటా బయటా చక్కని మానవ సంబంధాలు ఏర్పడటమే గాక బలపడతాయి.
  • ఇతరులను సరిగా అర్థం చేసుకునే సామర్ధ్యం, సహనం, ఆత్మవిశ్వాసం సిద్ధిస్తాయి. 

గమనిక

సుదర్శన క్రియను భోజనం చేసిన వెంటనే తప్ప ఏ సమయంలోనైనా సాధన చేయవచ్చు. కొత్తగా దీన్ని సాధన చేసేవారు గురు ముఖతా నేర్చుకోవటం మంచిది. గర్భిణులు,మద్యపానం, మత్తు పదార్థాలు తీసుకొనేవారు దీన్ని చేయకూడదు.



Recent Stories







bpositivetelugu

స్వతంత్ర దినోత్సవ శుభాకాంక్షలు.

ఎందరో వీరుల త్యాగం, మరెందరో మహానుభావుల స్వప్నం.. నేటి మన  స్వతంత్రం. 

MORE
bpositivetelugu

గురుదేవోభవ

మన సంస్కృతిలో గురువుకు ఎంతో విశిష్ఠమైన స్థానం ఉంది. ఇతర దేశాలకు భిన్నంగా మన దేశంలో గురువు కేవలం అధ్యాపకుడు 

MORE