శ్రీరామ నవమి నాడు వడపప్పు, పానకం ప్రసాదంగా ఇవ్వటం తెలుగు వారి సంప్రదాయం. పేరుకు ప్రసాదమే అయినా బెల్లంతో చేసే పానకానికి చెప్పలేనన్ని ఆరోగ్యపరమైన విశేష గుణాలున్నాయి. వాటి వివరాలు, తయారీ విశేషాలు తెలుసుకోవటంతో బాటు నవమినాడు తప్పక పానకం రుచిని ఆస్వాదిద్దాం.

  • శ్రీరామ నవమి నాటికి ఎండలు ముదురుతాయి గనుక పానకం తాగటం వల్ల శరీరం చల్లబడటంతో బాటు రోగనిరోధక శక్తి కూడా పెరుగుతుంది.
  • పానకం తయారీలో ప్రధానమైన బెల్లానికి ఉదరం, ఊపిరితిత్తులను శుభ్రపరచే గుణం ఉంది.
  • బెల్లంలోని సెలీనియం చక్కని యాంటీ ఆక్సిడెంట్ గా పనిచేసి రోగకారక ఫ్రీ రాడికల్స్ బారినుంచి శరీరానికి రక్షణనిస్తుంది .
  • భానుడి ప్రతాపానికి నీరస పడిన శరీరానికి బెల్లం పానకం కొత్త శక్తినిస్తుంది. వడగాలికి నీరస పడి సృహ తప్పినవారికి పానకం పడితే వెంటనే బిగదీసుకు పోయిన కండరాలు  సడలి తగిన ఉపశమనం లభిస్తుంది. 

పానకం తయారీ

కావలసినవి: బెల్లం : 250 గ్రాములు, మిరియాలపొడి : 2 చెంచాలు, యాలకుల పొడి: 1 చెంచా, నీళ్ళు: 3 కప్పులు

తయారీ: గిన్నెలో నీళ్ళు పోసుకుని అందులో బెల్లం వేసి బాగా కలిపి తర్వాత యాలకు, మిరియాల పొడి వేసి కలిపితే పానకం తయారయినట్లే.

 



Recent Stories







bpositivetelugu

మహిళా.. సాగిపో

"మహిళల స్థితిగతులు బాగుపడనిదే సమాజం అభివృద్ధి చెందదు. ఏ పక్షీ ఒకే రెక్కతో ఎగరలేదు." – స్వామి వివేకానంద.

MORE
bpositivetelugu

నేడే శుభ శుక్రవారం

మానవాళి పాపాలను దేవుని కుమారుడైన  ఏసుక్రీస్తు తాను  శిలువనెక్కి మోశారు. సిలువపై ఆయన తన రక్తాన్ని చిందించి సమస్త 

MORE