రెండేళ్ళు నిండిన పిల్లల మొదలు కొత్తగా బడి బాట పట్టిన చిన్నారుల ఆహారం విషయంలో పెద్దలకు కాస్త కంగారుగా ఉంటుంది. ఈ విషయంలో పోషకాహార నిపుణులు చెబుతున్న సలహాల గురించి తెలుసుకుందాం.

  • మూడో ఏడు వచ్చేనాటికి స్వయంగా కలుపుకొని తినే అలవాటు చేయాలి.
  • పిల్లలు టీవీ చూస్తూ, పేపర్ చదువుతూ భోజనం చేయనివ్వకూడదు. సౌకర్యంగా కూర్చొని, కుటుంబ సభ్యులతో మాట్లాడుతూ భోజనం చేసేలా చూడాలి.
  • కొత్తగా బడిలో చేరుతున్న పిల్లలకు లంచ్ బాక్స్ ఎలా విప్పాలి, ఎలా తినాలి వంటి అంశాలమీద ముందు నుంచే తర్ఫీదు ఇవ్వాలి.
  • పిల్లలకు పాలు, పండ్లు, గింజలతో కూడిన అల్పాహారం రోజూ క్రమంతప్పక అందించాలి. బడి నుంచి ఇంటికి వచ్చాక ఉడికించిన గుడ్డు, గింజలు, ఆమ్లెట్, పల్లీలు, పండ్లు వంటివి చిరుతిండిగా అందించాలి.
  • కొత్త వంటకాలను లంచ్ బాక్స్ లో పెట్టకపోవటమే మంచిది. అలాంటి వంటకాలను డిన్నర్లో వడ్డించి వాటిని ఎలా తినాలి? దాని విశేషాలను పిల్లలకు వివరిస్తే త్వరగా దానికి అలవాటుపడతారు.
  • పిల్లలకు డబ్బాలలో నిల్వ ఉంచిన రెడీమేడ్ ఆహారానికి బదులు పాలు, పాల ఉత్పత్తులు, పండ్లు వంటివి ఇవ్వాలి.
  • బరువు పెరుగుతారనే అపోహను పక్కన బెట్టి పిల్లల ఆహారంలో తగినంతగా వెన్న, నెయ్యి వంటివి ఉండేలా చూడాలి.
  • పిల్లలు రోజూ 5 నుంచి 8 గ్లాసుల మంచినీరు తాగేలా చూడటంతో బాటు కనీసం 45 నిమిషాలు ఆడుకునేలా చూడాలి.
  • పిల్లలు ఆకలి తీరిన మేరకు ఆహారం తీసుకోవటం తప్పనిసరి. రవ్వంత ఒళ్ళు చేస్తున్నారనగానే ఆహారం తగ్గించటం సరికాదు.
  • కంచంలో వడ్డించిన వంటకాలన్నీ తినాలనే నిబంధన పెట్టటం కంటే ఇష్టమైన వాటినే వడ్డించుకొని తినేలా చూడాలి.
  • పిల్లలకు లాలీపాప్, చాక్లెట్స్ వంటి బరువు పెరిగేవి బహుమతులుగా ఇచ్చేబదులు మరింత ప్రత్యామ్నాయాలు అన్వేషించటం మంచిది.
  • పిల్లల ఆహారం విషయంలో ఎలాంటి సమస్య వచ్చినా పోషకాహార నిపుణుల సలహా తీసుకోవాలి.

 



Recent Stories







bpositivetelugu

ఒత్తిడిని వదిలించే చిట్కాలు 

ఈ రోజుల్లో పట్టణ , నగరవాసులు తీవ్రమైన మానసిక ఒత్తిడితో కూడిన జీవితాలను గడుపుతున్నారు. కుటుంబ సమస్యలు, 

MORE
bpositivetelugu

కార్తీక నియమాలతో ఆరోగ్యం

మన భారతీయ సంస్కృతి నేర్పే సంప్రదాయాలు ఎంతో ప్రత్యేకమైనవే గాక మంచి ఆరోగ్యాన్నీ అందించేవి. కార్తీకమాస నియమాలే 

MORE