చికిత్స కంటే నివారణ మంచిదనే నియమం రొమ్ము క్యాన్సర్ కు కూడా వర్తిస్తుంది. రోజూ తాజా పండ్లు, కూరగాయలు, ఆకుకూరలు, డ్రై ఫ్రూట్స్ వంటివి తీసుకునే వారిలో రొమ్ము క్యాన్సర్ ముప్పు గణనీయంగా తగ్గుతుంది. చికిత్స సమయంలో కూడా ఈ తరహా ఆహారం చికిత్స బాగా పనిచేసేలా చేస్తుంది. ఈ నేపథ్యంలో రొమ్ము క్యాన్సర్ నివారణకు ఉపయోగపడే పోషకాహారం గురించి తెలుసుకుందాం. 

  • క్యాన్సర్ నివారణకు క్యాలిఫ్లవర్, ఇదే జాతికి చెందిన బ్రకోలీ బ్రహ్మాడంగా పనిచేస్తాయి. వీటిలో ఉండే 'సల్ఫోరాఫేన్' ఆరోగ్యవంతమైన జీవ కణాలకు నష్టం కలిగించకుండానే క్యాన్సర్ కారకాలను గుర్తించి నిర్వీర్యం చేస్తుంది.
  • క్యాన్సర్ నివారణలో టమోటో బాగా పనిచేస్తుంది. ఇందులో ఉండే 'లైకోపిన్పీ'అనే ఫైటో కెమికల్ క్యాన్సర్ కి వ్యతిరేకంగా పోరాడుతుంది. అందుకే కనీసం ఒకటి రెండు టమోటోలను ఆహారంలో భాగం చేసుకోవాలి.
  • క్యాప్సికంలోని ఫైటో కెమికల్స్,క్యాప్ససిన్ క్యాన్సర్ కణాల ఎదుగుదలను అడ్డుకుంటాయి. క్యారెట్ కూడా ఇదేవిధంగా పనిచేస్తుంది.
  • బచ్చలి ఆకులో ఉండే విటమిన్ బి, ఫోలేట్ వంటి పోషకాల వల్ల మెనోపాజ్ రాకముందు నుంచేబచ్చలి కూర తినే మహిళలకు రొమ్ము క్యాన్సర్ ముప్పు తక్కువ.
  • శరీరంలో పెరిగే హానికారక కణాలను నశింప చేసే శక్తి నిమ్మరసానికి ఉంది గనుక రోజూ ఓ గ్లాసు నిమ్మరసం తాగటం మంచిది.
  • పసుపులో క్యాన్సర్ తో పోరాడే 'కర్క్యుమిన్' ఉంటుంది. రొమ్ము, ఉదరక్యాన్సర్ లను నివారిస్తుంది.
  • వెల్లుల్లిలోని 'అల్లియమ్'అనే రసాయనం క్యాన్సర్ కణాలను దెబ్బతీస్తుంది.అలాగే క్యాన్సర్ల నివారణకు అల్లం బాగా పని చేస్తుంది. కనుక రోజువారీ వంటకాల్లో కాస్త అల్లం, వెల్లుల్లిచేర్చటం మరువొద్దు.
  • అవకాడోలో ఉండే కొన్ని యాంటీ ఆక్సిడెంట్లు క్యాన్సర్ ముప్పు నుంచి కాపాడతాయి. దీన్ని ముక్కలు లేదా జ్యూస్రూపంలో తీసుకోవచ్చు. .
  • రొమ్ము క్యాన్సర్ నివారణకు నల్ల ద్రాక్ష బాగా పనిచేస్తుంది. దీనిలోని ఫైటోన్యూట్రియంట్ రొమ్ము క్యాన్సర్ కణాలను నశింప జేస్తాయి.
  • దానిమ్మలో ఉండే పాలిపెనాల్, ఎలాజిక్ యాసిడ్, యాంటీ ఆక్సిడెంట్లు క్యాన్సర్ కణాలను ఎదగకుండా చేస్తాయి.
  • గ్రీన్ టీ లోని ఫైటో కెమికల్స్ క్యాన్సర్ కారకాలను నివారిస్తాయి గనుక రోజూ 2 కప్పులు గ్రీన్ టీ తాగితే రొమ్ము క్యాన్సర్ ముప్పు తగ్గినట్లే.
  • కోడిగుడ్డుతో లభించే 'కోలిన్'అనే పోషకం కారణంగా రోజూ గుడ్డు తినేవారిలో రొమ్ము క్యాన్సర్ వచ్చే ప్రమాదం బాగా తగ్గుతుంది.
  • సాల్మన్ చేపలో లభించేఒమేగా త్రీ ఫ్యాటీఆమ్లాలు, విటమిన్ బి12 రొమ్ము క్యాన్సర్ నివారణకు ఇతోధికంగా దోహదం చేస్తాయి. అలాగే చికిత్స సమయంలో దీన్ని తింటే అందులోని పుష్కలంగా లభించే విటమిన్ డి కారణంగా క్యాన్సర్ కణాలు శక్తిహీనం అవుతాయి.
  • పుట్టగొడుగులలో పుష్కలంగా లభించే ఎర్గోథియోనైన్ అనే యాంటీ ఆక్సిడెంట్ క్యాన్సర్ నివారిణిగా పనిజేస్తుంది గనుక పుట్టగొడుగులను ఆహారంలో భాగం చేసుకోవటం మంచిది.
  • అవిసె గింజల్లో అధిక మొత్తంలో ఉండే ఒమేగా త్రీ ఫ్యాటీ ఆమ్లాలు , లిగ్నన్స్, ఫైబర్ రొమ్ము క్యాన్సర్ ముప్పు నుంచి తప్పించేందుకు ఇతోధికంగా పనిచేస్తాయి. నేరుగా వేయించిన అవిసె గింజలు తీసుకోవచ్చు. లేకుంటే వంటకాల్లో అవిసె పిండి, నూనె కలుపుకున్నా చాలు.
  • గోధుమ జాతికి చెందిన 'రై' అనే ధాన్యంతోచేసిన బ్రెడ్ లో లభించే పీచు, లిగ్నానులు, విటమిన్లు, ఖనిజలవణాలు, ఫైటో న్యూట్రియంట్లు రొమ్ము క్యాన్సర్ కణాలను సమర్థవంతంగా నివారిస్తాయి.

రొమ్ము క్యాన్సర్ రోగులు తినకూడని ఆహారం

  • నిల్వ పచ్చళ్ళు, పచ్చి కూరగాయలు తినకపోవటమే మంచిది.
  • చక్కెర, మైదా, ఉప్పు అధికంగా వాడి చేసిన వంటకాలు, బీఫ్, మితిమీరిన మసాలా వినియోగం వద్దు.
  • పెరుగుకు కఫం పెంచే గుణం ఉందిగనుక దానికి బదులు మజ్జిగ తీసుకోవాలి.
  • పచ్చి బెండకాయ, దొండకాయ, చామగడ్డ వంటి జిగురు గలిగిన వాటిని తీసుకోవద్దు. 



Recent Stories







bpositivetelugu

ధన్యజీవులు

 అభిరుచి మేరకు మనిషి ఏ రంగంలోనైనా ఎదగవచ్చు. అయితే , ఆ రంగంలో తాను ఉన్నత స్థితికి చేరేనాటికి, 

MORE
bpositivetelugu

మహిమాన్విత క్షేత్రం.. మంత్రాలయం

దక్షిణ భారత దేశంలో ప్రసిద్ది చెందిన పుణ్య క్షేత్రాల్లో మంత్రాలయం ముఖ్యమైనది. 

MORE