పాదాల మడమలు పగిలి ఇబ్బందిపెడుతున్నాయా? ఎన్ని జాగ్రత్తలు తీసుకున్నా మడమలు సున్నితంగా మారటం లేదా? ఈ సమస్య కారణంగా హై హీల్స్, చెప్పులు వేసుకొని నలుగురిలోకి వెళ్లాలంటే సిగ్గుగా ఉందా? అయితే మీ సమస్యకు గృహ వైద్యంలో చక్కని పరిష్కారం ఉంది. అదెలాగో ఇప్పుడు చూద్దాం. 

  • 2 చెంచాల చొప్పున ఆముదం, కొబ్బరి నూనె తీసుకొని అందులో అర చెంచా పసుపు కలిపి రంగరించి రోజూ పాదాలకు రాసుకొంటే పగుళ్ల సమస్య దూరమవుతుంది.
  • గుప్పెడు వేపాకు, చిటికెడు చొప్పున పసుపు, సున్నం కలిపి మెత్తగా నూరి,  అందులో 2 చెంచాల ఆముదం కలిపి పాదాలకు పట్టిస్తే పగుళ్ల సమస్య నయం అవుతుంది. 
  • గోరువెచ్చని నీటిలో కాస్త ఉప్పు, నిమ్మకాయ రసం వేసి పాదాలను ఆ నీటిలో ఉంచి తర్వాత ఫ్యూమ్ స్టోన్ తో మడమలు శుభ్రంగా రుద్దితే అక్కడ చేరిన మలినాలు, మృతకణాలు తొలగటమే గాక పగుళ్లు రావు.
  • రోజూ నిద్రకు ముందు పాదాలను కడుక్కుని తుడిచి కొబ్బరి నూనె రాసుకుంటే పగుళ్లు ఏర్పడవు.
  • పగిలి ఇబ్బందిపెడుతున్న మడమలకు గుప్పెడు పండిన బొప్పాయి గుజ్జు లేదా రుబ్బిన గోరింటాకును రాసి బాగా ఎండిన తర్వాత నీటితో కడిగితే మంచి ఉపశమనం లభిస్తుంది.
  • వాన నీటిలో, బురదలో ఒట్టి కాళ్లతో తిరగకుండా ఉండటం, మెత్తని, సౌకర్యవంతమైన చెప్పులు, షూ వాడటం ద్వారా పగుళ్లు లేకుండా చూసుకోవచ్చు.

 

 

 



Recent Stories







bpositivetelugu

చదివింది బాగా గుర్తుండాలంటే..

 కొందరు విద్యార్థులు ఏడాది మొదటినుంచి ఏరోజు పాఠాలు ఆరోజు చదువుతారు. కానీ పరీక్షల్లో కష్టపడినంతగా రాణించలేరు.  

MORE
bpositivetelugu

అభీష్ట ప్రదాయని.. లలితా పరా భట్టారిక

త్రిపురత్రయంలో రెండో శక్తి లలితా త్రిపుర సుందరి. త్రిమూర్తుల కంటే ముందున్న కారణంగా త్రిపుర 

MORE