దీపావళి అనగానే ముందుగా గుర్తొచ్చేది బాణాసంచా వెలుగులే. అయితే బాణాసంచా కొనుగోలు మొదలు కాల్చే వరకు కొన్ని జాగ్రత్తలు పాటిస్తేనే దీపావళి పండుగ ఆనందాన్ని ఆసాంతం ఆస్వాదించగలము.ఈ క్రమంలో బాణా సంచా విషయంలో అందరూ ఈ కింది విషయాల మీద ప్రత్యేకమైన శ్రద్ధ పెట్టాలి.

  • సొంతగా బాణసంచా తయారు చేయొద్దు. బాణాసంచాను లెసైన్సు ఉన్న దుకాణాల్లోనే కొనాలి.
  • బాణాసంచా ఆరుబయట కాల్చాలి. బాణాసంచా కాల్చేటప్పుడు తప్పని సరిగా చెప్పులు వేసుకోవాలి.
  • బాణాసంచా కాల్చే ప్రదేశంలో ముందుజాగ్రత్తగా రెండు మూడు బకెట్ల నీరు అందుబాటులో ఉంచుకోండి.
  • బాణాసంచా కాల్చేటప్పుడు ఉతికి బయట ఆరేసిన బట్టలు తీసేయాలి.
  • బాణాసంచా చప్పుడుకు పెంపుడు జంతువులూ భయపడతాయి గనుక వాటిని గదిలో పెట్టి తలుపేయటం మంచిది.
  • గాలి ఎక్కువగా ఉంటే బాణాసంచా కాల్చకపోవటమే మేలు. మద్యం సేవించి టపాసులు కాల్చొద్దు. ఎక్కువ శబ్దం వచ్చే బాంబుల వల్ల పసిపిల్లలు, వృద్దులు ఇబ్బందిపడతారని గురుంచుకోవాలి.
  • బాణాసంచాను ఒకేచోట పెడితే అందులో నిప్పురవ్వలు పడితే ప్రమాదం గనుక ఇంట్లోనే పెట్టి ఎప్పటికప్పుడు తెచ్చుకోవాలి.
  • ఐయిదేళ్ళ లోపు పిల్లలకు టపాకాయలు చేతికి ఇవ్వొద్దు. పిల్లలు టపాసులు కాల్చేటప్పుడు పెద్దలు వెంట ఉండాలి. పిల్లల వయసును బట్టి తగిన బాణాసంచాను పెద్దలు ఎంపిక చేసి కొనాలి తప్ప వారు కోరినవి కాదు.
  • ఒకేసారి రెండు మూడు టపాసులు పేల్చొద్దు. ఒదాని తరువాత ఒకటి కాల్చాలి.
  • భూచక్రాలను ఆరుబయటే కాల్చాలి. ఇంట్లో కాల్చితే తివాచీలు, సోఫాలు అంటుకుపోయి ప్రమాదం ఉంది.
  • బాణాసంచా కాల్చేటప్పుడు నూలు దుస్తులు ధరించాలి. అవి మరీ వదులుగా, వేలాడేలా ఉండకూడదు.
  • టపాసులు కాల్చేటప్పుడు చేతులను కళ్లలో, ముక్కులో, నోట్లో పెట్టుకోకూడదు.
  • బాణాసంచా వెలిగించేందుకు కాకరపువ్వొత్తి వాడడం మంచిది. కాల్చిన తర్వాత మిగిలిన చువ్వలను నీళ్లలో ముంచాలి.
  • రాకెట్ల కాల్చేటప్పుడు సమీపంలో పూరిళ్లు, పెట్రోల్ బంకులు, గడ్డివాములు ఉన్నాయేమో చూసుకోవాలి.
  • సగం వెలిగి ఆరిపోయిన బాణాసంచాను మళ్ళీ వెలిగించొద్దు. వీలుంటే నీళ్లు పోయటం మంచిది. బాణాసంచా వెలిగించి మనుషుల మీదికి విసిరే ప్రయత్నం పొరబాటున కూడా చేయొద్దు.
  • ఎవరికైనా పొరపాటున బాణాసంచా అంటుకుంటే అటూ ఇటూ పరిగెత్తక, నేలపై అటు ఇటు దొర్లితే మంట ఆరిపోతుంది.
  • టపాసులు కాల్చిన తర్వాత సబ్బుతో శుభ్రంగా చేతులు కడుక్కోవాలి. ఆ తర్వాతే భోజనంచేయాలి.
  • బాణాసంచా ఒంటిపై బడి గాయలయితే వెంటనే ప్రథమ చికిత్స చేసి దగ్గర్లోని వైద్యునిపుణులను సంప్రదించాలి.
  • బాణాసంచాలోని సల్ఫర్ పర్యావరణానికి హాని చేస్తుంది గనుక తక్కువ మొత్తంలో మాత్రమే టపాకాయలు కాల్చటం మంచిది.



Recent Stories







bpositivetelugu

ధన్యజీవులు

 అభిరుచి మేరకు మనిషి ఏ రంగంలోనైనా ఎదగవచ్చు. అయితే , ఆ రంగంలో తాను ఉన్నత స్థితికి చేరేనాటికి, 

MORE
bpositivetelugu

రామనామ విశిష్టత

కలియుగంలో భగవన్నామ స్మరణకు మించిన ఉత్తమ సాధన మరొకటి లేదని శాస్త్రాలు చెబుతున్నాయి. భగవన్నామంలో ఒక 

MORE